聖誕快樂~

今年聖誕特別開心~ 有家人女友大餐禮物當然不在話下，最珍貴既係我喺平安夜終於完成左我今年既考試目標~ 雖然未知是否及格，但我盡了全力，完成了，心安理得~ 下年的目標是FSA了~

第四個聖誕了~ 看似每年，甚至每個節日都一樣，沒新意了~ 我卻覺得平淡是褔~ 真的好幸福~

今年的聖誕禮物我很喜歡~ 沒有衫褲鞋（有襪），有好多玩具~ 返左工一年，真係要多D玩具黎平衡下，哈哈~

今年的聖誕大餐更加係冇得頂~ 最喜歡的，都一次過食了~

Belon食過了，但我未懂欣賞，而且太貴了！

Dry Age 西冷係驚喜~ 實在貴得有道理~

更加冇得頂既係，返多兩日工，就放假，然後去北海道了！

人生如此，夫復何求？

聖誕願望：家人女友自己身體健康，開開心心~ 自己快D考到FSA~ 減肥！

3大漢堡包

呢個星期睇左D雜誌介紹漢堡包，興沖沖咁食左香港3大漢堡：Mos Burger, Shake'em Buns, Triple O's! (Burger King, Freshness，嗰D唔駛講，完全唔入流~)

Mos Burger 其實就成日食，由細個去日本開始已經好鍾意食~ 亦係3大之中我最鍾意既~ 佢係日本風味，細細個，一手拎得哂，食完都唔會整污糟隻手~ 食哂咁多款，我最鍾意既係「照燒牛肉」~ 佢唔係話用咩頂級牛肉，但佢塊包同D生菜同塊肉同D汁佩合得出奇地好~ 佢又唔算貴，所以每次都食兩個~ 佢個綠茶牛奶都好好飲，不過就偏貴，偏淡，同偏少~ 佢服務都好，order 完員工會送到去你張枱~

Shake'em Buns 係第一次食~ 美式格局黑mung mung 嘈到死~ 員工全部係外籍人士~ service 麻麻，要等叫number 自己攞~ 我叫左個Guitar Pro xxx... (佢D包名太長，好難記）佢個包差唔多係Mos Burger 既三倍大，要兩隻手用哂，擘到個口大一大先食到~ 佢塊牛應該係三大之中最大最厚同最頂級~ 鮮嫩多汁，散發出炭燒既肉味~ 食完有非常滿足既感覺~ 另外值得一提係佢既香蕉奶昔，又滑又香厚度適中，係我飲過最好飲既奶昔~ 不過一分錢一分貨，佢係最貴既一間~

Triple O's 都食過好幾次啦~ 係未開 Mos 同 Shake 之前佢係最好食既~ 但而家就唔同啦~ 佢算係中中庭庭啦~ 唔係最貴，唔係最大，唔係最好食~ 但都唔差~

食左三大，本來係好開心好滿足既~ 但點知琴晚突然腸胃炎...... 又屙又嘔...... 短期內都唔敢再食...

連 Wendy 都大半個月冇 update 啦！

Xanga 真的收山？

11月1考完試之後，過左個罕有既11月 peak season!

Weekends 都要做...

3號同10號都返左去睇AGM~ 越黎越老，則越黎越遠~ 有心但無力~ 不過見返班past exco都係好開心既~

6號 APC~ 搞掂~

8號 ASHK Annual Dinner，中左 lucky draw! free buffet dinner @ Intercontinental Hotel! 不過係分店... 海景嘉福酒店... 好過冇啦~

10號爸爸生日，食左Times Square 對面二樓既和牛長腳蟹放題！

質素拍得住日本，而且不貴，值得再試~

17號跟公司去左4日KL~ 不過全程都喺個resort度開會~ 冇去過city!

22號姐夫生日，送左個VTECH DECT PHONE 俾佢，即係電視入面歐陽震華用嗰個~

同日 PS3 + WE2008 入手~ =D

24號同莊友食生日飯，今年拾棄北京酒樓要鹿明春~ 都OK啦~ 不過都係鍾意北京酒樓多D~

個「彈」糕真係搞笑喎~

1號，終於有個weekend唔駛返工！ 同 Wendy 食上次抽獎既 free buffet dinner~ 喺尖東，行鬼咁耐先到！D野食選擇都好多既，不過quality 就麻麻地啦~ 係長腳蟹同燒牛肉最好食~ 甜品好多係香蕉類，Wendy唔啱，但我就好鍾意~ 食完漫步尖東睇燈飾~ =]

2號，睇左「期待已久」既「出埃及記」~ 都唔係網民所講咁差姐~ 不過又唔係影評所講咁特別喎~ 期實編劇同演員都係好既~ 不過可以刪減好多冇必要既野，例如粗口，唱K，色情，谷祖琳+詹瑞文...... 反而應該講多D劇情，例如殺男人既架構，佈局，盡量說服觀眾~

好啦~ 要做功課啦~

陳奕迅演唱會

竟然差唔多成個月冇update...

Xanga 係唔係已經沒落呢？係唔係應該搬去 Facebook?

印象中，重陽之前公司都好忙~

跟住就過左好多日成個腦塞哂既 study leave~

今日，終於等到 --- 陳奕迅演唱會！！！

歌： 選曲非常好！大部分係最新3隻碟最受歡迎既歌（e.g. 瑪利奧，演唱會，富士山，裙下臣，白玫瑰，月球人），亦有小部分最經典最representative既歌（e.g. 黃金時代，K歌之王，天下無雙，今日，綿綿，單車）！Eason 既 Live 演繹就梗係好啦，去到中段跳完舞 warm up 完就更加正~

舞：未見過Eason跳咁多舞！仲要係有板有眼，唔係好似軟硬嗰D咁~ 唱快歌氣氛真係一流！ dancer 都好睇~ 不過D印度舞就不敢恭維啦...

台：三面台係隔得遠D，雖然我係睇$480，但都唔係好前，又好側~ 但個台設計好靚，開頭D花好鬼靚，條樓梯都好型~

其實除左唱歌，佢講野都好搞笑~ Overall 我俾9分！

1007 星期日

上午去Pacific Coffee 玩 Scabble + 溫書~

下午睇怪俠多羅羅~ 未睇完，Wendy 約左人睇大提琴表演要走~

1006 星期六

一時興起同Wendy 兩條友去左唱K~

Shopping，Wendy 買左件 Muji，我買左件黑黑大馬，我地買左隻模型~

發現左間好平既模型鋪！

夜晚食紅螞蟻，紅豆冰好正，因為佢冇冰！

1005 星期五

睇新假期見到跑馬地銖記有個蠔砵好似好好食，放工就同Wendy 去試~

點知去到問，個伙記話冇咁既餸！ 都唔知係新假期錯定銖記錯！ 激死！

都係覺得嫦記好食D~

1002 星期二

終於要返工......

不過有好消息~

1001 星期一 國慶 *42個月*

食今村~ 失望！

食自選餐，冇象拔蚌都算啦，仲要冇海膽！

冇海膽都算啦，我話完「乜乜都冇得揀架」之後，個二打六白面仔仲要話「我地咁多魚你都話冇得揀」？係好多魚呀，白身魚呀嘛~ 今村D白身魚係好食，但始終唔同級數呀嘛~ 我俾咁既價錢你要俾返咁既貨我呀嘛~ 都係個日本師傅識做，即刻話俾返件拖羅我~ 不過Wendy 都唔滿意，轉食天婦羅~ 雖然佢D野依然好食，個日本師傅都不停 say sorry，但冇用，印象差左~

食完同Wendy 買相架~ 大功告成~

0930 星期日

Wendy 同 friends 睇色戒~ 我溫書~

睇 Saw II, 好核特！唔想睇III！

0929 星期六

CPA 考試，當然唔關我事啦~ 但係就襯機同KP舊同事聚舊啦~

旺角德興打邊爐，9點半食到11點半，埋單每人先$86! D 野食仲唔錯喎~ 肥牛OK架~

夜晚送 Wendy 回家，原來尾班地鐵係1139！趕唔到... 搞到要搭的~

0928 星期五

SASS Annual Dinner~ 野食係咁多年最好，但buffet供應時間亦係最短！好彩早去，食得飽！有D人$100飲碗湯，仲抽唔到獎，就真係慘啦！好好彩我仲抽到個茶壺茶葉set~ 雖然最後冇攞到~

下場係英皇茶餐廳，03-05 兩莊 + 林先生 聚舊~